Die nuwe student

Ons swot nie meer predikant, of prokureer nie

ons swot nie meer wat pa se nie.

Ons swot BA eie keuse, Bcom eie keuse,

 Bsc-doen elke jaar aansoek vir medies- want ons velle is te wit- 

al kan ons niks met ons Bsc graad doen nie- mediese wetenskappe.

Ons bly in kommunes saam ons pelle,

ons bly lekker met Jacuzi’s en DSTV en vere duvets

en ‘n George formen en wyn in die yskas

(reg langs die bier)

Ons ry karre, hulle is posh.

Die karre is flashy, dis beter as pa sn.

Ons klere is uniek (uniek soos in die duur soort)

Ons besit die nuuste sony erricsons

met Gps apart. (hoe anders moet ons so nou en dan ons pad huis toe vind?)   

Die lewe is lekker.

Studente lewe is lekker.

net jammer die tyd vlieg so vinnig verby…..

Die hoenderhok kry weer nuwe lewe

Ek is bly om te sien daar is weer nuwe lewe hier op Kekkel. Welkom terug, Bierpens. Mag jy ons weereens vermaak met jou unieke skryfstyl en jou refleksies op die gewone lewe. Jy het ‘n manier om ‘n goeie storie te maak uit die vaal gewone ding van die lewe wat ons ander mense soms verbygaan.
Harry is ook weer terug met een van sy staaltjies en ek geniet dit elke keer.
Verder is die Afrikaanse blogs nog rustig. Meeste van die ou staatmakers is nog steeds met ons en daar is ook ‘n paar nuwe opkomende sterre. Ons vriend Sharpshoot wat verlede jaar lekker hier op Kekkel gesels het het ook nou sy eie blog opgedra aan sy honde. Die avonture van Wagter, Fiefie en Junior. Dis op die oomblik een van die top blogs op die Afrikaanse wordpress.
Mag al julle bloggers julle blogs nog baie geniet. Ek het myne die laaste tyd erg afgeskeep, maar hoop om eersdags weer te begin skryf.
Liefdegroete
Vuurslag